एकीकडे पुणे, मुंबईसह संपूर्ण महाराष्ट्र तसेच देशभरात गणेश विसर्जनाचा उत्साह शिगेला पोहोचलेला असताना सात समुद्रापार महाराष्ट्रीय संस्कृती जपण्याचा यशस्वी प्रयत्न मराठीजणांनी केला. मुंबई, पुणे, नाशिकमधील ढोल-ताशा पथकाप्रमाणे धमाकेदार परफॉर्मन्स स्वीडनमधील गोथेनबर्ग मध्ये पाहायला मिळाला. स्वीडनमधील नागरिकांनी या ढोल – ताशा पथकाच्या ठेक्यावर ताल धरत चांगलीच दाद दिली. स्वीडनमध्ये पहिल्यांदा मराठीजणांनी ‘स्वराज्य ढोल-ताशा पथक’ स्थापन केले.