पॅरिस : News Network
syringe attack | फ्रान्समध्ये, वार्षिक स्ट्रीट म्युझिक फेस्टिव्हल ‘फेते डे ला म्युझिक’ दरम्यान, काही संशयितांनी गर्दीचा फायदा घेत महोत्सवास आलेल्या लोकांना इंजेक्शन दिले. सिरिंज हल्ले अनेकदा अचानक आणि गुप्तपणे केले जातात. या syringe attack प्रकरणात १३ पोलीसही जखमी झाले आहेत.
या इंजेक्शनमध्ये रोहिप्नॉल किंवा जीएचबी सारखी डेट-रेपचे ड्रग्ज होती की नाही हे स्पष्ट नाही. हे ड्रग्ज लोकांना बेशुद्ध करण्यासाठी आणि नशेत आणण्यासाठी वापरली जातात. काही पीडितांना विषारी चाचण्यांसाठी रुग्णालयात नेण्यात आले. या घटनेनंतर घटनास्थळी गोंधळ उडाला. अनेक संशयितांनी घटनास्थळाची तोडफोडही केली.
इंजेक्शनच्या तक्रारी आल्यानंतर पोलिसांनी १२ संशयितांना अटक केली.
फ्रान्सच्या गृह मंत्रालयाने सांगितले की, देशभरात १४५ लोकांनी सिरिंज अटॅकच्या तक्रारी केल्या आहेत, त्यापैकी १३ जण पॅरिसमधील आहेत. या वर्षीच्या महोत्सवात विविध आरोपांवरून ३७० हून अधिक लोकांना ताब्यात घेण्यात आले आहे, ज्यात पॅरिसमधील ९० जणांचा समावेश आहे. १४ जण गंभीर जखमी झाले आहेत, ज्यात एका १७ वर्षीय मुलाचा समावेश आहे ज्याच्या पोटात चाकूचे घाव आढळले होते. १३ पोलिसही जखमी झाले आहेत.
