दमास्कस : News Network
सीरियाची राजधानी दमास्कसमध्ये झालेल्या भीषण आत्मघातकी हल्ल्यात किमान २२ जणांचा मृत्यू झाला आणि ६३ जण जखमी झाले. ग्रीक
ऑर्थोडॉक्स सेंट इलियास चर्चमध्ये डझनभर लोक प्रार्थनेला उपस्थित असताना हा हल्ला झाला. इस्लामिक स्टेट (ISIS)) शी संबंधित एका दहशतवाद्याने चर्चमध्ये घुसून प्रथम गोळीबार केला आणि नंतर स्वत:ला उडवून दिले.
प्रत्यक्षदर्शींच्या मते, हल्लेखोरासोबत आणखी एक बंदूकधारी होता, त्याने गर्दीवर गोळीबार केला पण बॉम्बस्फोट केला नाही. त्यावेळी चर्चमध्ये सुमारे १५० ते ३५० लोक उपस्थित होते. स्फोटामुळे आत असलेले बेंच तुटले.
सीरियाचे सुरक्षा दल हल्ल्याचा तपास करत आहेत आणि चर्च परिसराला वेढा घातला आहे. सरकारने असेही म्हटले आहे की, धार्मिक अल्पसंख्याकांची सुरक्षा सुनिश्चित केली जाईल. नवीन सरकार HTS (हयात तहरीर अल-शाम) चे माजी इस्लामी बंडखोर नेते चालवत आहेत, ज्यांनी यापूर्वी ISIS विरुद्ध देखील लढा दिला आहे.
