लातूर : आंध्र प्रदेश विधानसभा निवडणूक गाजवलेले जनसेना पक्षाचे अध्यक्ष आणि उपमुख्यमंत्री पवन कल्याण यांनी महाराष्ट्रात महायुतीच्या उमेदवारांसाठी प्रचार सभा घेतल्या. त्यांच्या ‘रोड शो’ला लातूर येथील तरुणाईचा प्रचंड प्रतिसाद मिळाला. देशमुखांचा गड मानल्या जाणा-या लातूरमध्ये अमित देशमुख यांच्या विरोधात निवडणूक लढत असलेल्या अर्चना चाकूरकर यांच्या प्रचारार्थ पवनकल्याण यांनी झंझावाती सभा घेतली. एकीकडे अमित देशमुखांसाठी रितेश देशमुख प्रचाराच्या मैदानात उतरले आहेत; तर दुसरीकडे पवन कल्याण यांनीही दणक्यात एन्ट्री घेतली. अशातच बॉलिवूड स्टार की साऊथ सुपरस्टार? बाजी कोण मारणार अशी चर्चा लातूर येथे रंगली आहे.
