Hizbullah has launched a major attack on Israel, breaking Hizbullah’s back by hiding explosives in pagers and walkie-talkies. In this attack, Israel’s Iron Dome system has completely failed and the citizens have to take shelter in bunkers.
बैरुत : khabarbat News Network
पेजर आणि वॉकी टॉकी मध्ये स्फोटके लपवून हिजबुल्लाचे कंबरडे मोडणा-या इस्रायलवर हिजबुल्लाने मोठा हल्ला केला आहे. या हल्ल्यात इस्त्रायलची आयर्न डोम सिस्टिम सपशेल अपयशी ठरली असून नागरिकांना बंकरमध्ये आसरा घ्यावा लागला आहे.
इस्रायल आणि लेबनॉनमध्ये युद्धाची परिस्थिती निर्माण झाली आहे. हिजबुल्लाहने इस्रायलवर रॉकेट, क्षेपणास्त्रे आणि ड्रोनने हल्ला केला. इस्रायलवर १०० हून अधिक रॉकेट, क्षेपणास्त्रे आणि ड्रोन डागण्यात आले. रविवारी सकाळी जेझरील खो-यात १४० हून अधिक रॉकेट आणि ड्रोन डागण्यात आले. हैफा, नाझरेथ, अफुला, लोअर गॅलीलीसह अन्य भागांमध्येही हल्ला करण्यात आला.
बैरूतच्या दक्षिणेकडील उपनगरांवर शुक्रवारी इस्रायली हल्ल्यात मारल्या गेलेल्या सर्वोच्च कमांडरच्या अंत्यसंस्कारानंतर हिबुल्लाहने हा हल्ला केला. इस्रायल आणि लेबनॉनमध्ये सुमारे १३० किलोमीटरची सीमा आहे. हमासमुळे गाझा पट्टी उध्वस्त झाली आहे. आता हिजबुल्लाहमुळे लेबनान हा देश उध्वस्त होण्याच्या उंबरठ्यावर आहे.
