दिंडोशी : khabarbat News Network
आता मेसेज करताना सावधगिरी बाळगावी लागणार आहे. जर तुम्ही एखाद्या अनोळखी महिलेला तू मला आवडतेस, किंवा तू सुंदर दिसतेस असा मेसेज केला, तर तुम्हाला कोर्टाकडून थेट शिक्षा होऊ शकते. नुकतंच महाराष्ट्रातील दिंडोशीमध्ये एका घटनेप्रकरणी कोर्टाने हा महत्वपूर्ण निर्णय दिला आहे. अनोळखी महिलेला तू खूप सुंदर दिसतेस असा मेसेज पाठवणे म्हणजे विनयभंगच, असा निर्देश दिंडोशी सत्र न्यायालयाने दिला आहे.
हे पण वाचा… बेरोजगार तरुणांना प्रत्येक महिन्याला मिळणार 5000 रुपये!
कोर्टाने दिलेल्या माहितीनुसार, तक्रारदार महिलेला एक पुरुष सतत व्हॉट्सअ‍ॅप मेसेज करायचा. रात्री ११ ते १२.३० दरम्यान तो विविध फोटो आणि मेसेज करत असायचा. ‘‘तू सडपातळ आहे, खूप हुशार आहेस, दिसायलाही गोरी आहे. मी ४० वर्षांचा आहे, तुझे लग्न झालं आहे का?’’ असे मेसेज तो व्यक्ती सतत त्या महिलेला करायचा. ‘अनेकदा त्याने मला तू आवडतेस’, असेही मेसेज केले. याप्रकरणी त्या महिलेने पोलिसात तक्रार दाखल केली होती.
याप्रकरणी कोर्टाने २०२२ रोजी आरोपीला दोषी ठरवले होते. त्याला तीन महिने जेलमध्ये राहण्याची शिक्षा सुनावण्यात आली होती. यानंतर त्याने दिंडोशी सत्र न्यायालयात धाव घेतली. आज दिंडोशी सत्र न्यायालयात याप्रकरणाची सुनावणी करण्यात आली.
