नवी दिल्ली : News Network
illigal immigrantes | अमेरिकी कस्टम्स आणि बॉर्डर प्रोटेक्शनच्या आकडेवारीनुसार, ऑक्टोबर २०२३ ते सप्टेंबर २०२४ दरम्यान अमेरिकेत बेकायदेशीरपणे प्रवेश करण्याचा प्रयत्न करताना ९० हजार ४१५ भारतीयांना अटक करण्यात आली. यापैकी ४३ हजार ७६४ लोकांना कॅनडाच्या बाजूने ओलांडताना आणि उर्वरित लोकांना मेक्सिकोमधून अटक करण्यात आली. अटक केलेल्यांपैकी निम्मे गुजरातचे आणि बरेच जण पंजाब आणि आंध्र प्रदेशचे आहेत.
अमेरिकन इमिग्रेशन आणि कस्टम्स अंमलबजावणी विभागाने कायदेशीर मार्गाचा वापर करून तत्काळ हद्दपारीला सामोरे जाणा-या १७ हजार ९४० बेकायदेशीर भारतीय स्थलांतरितांची यादी तयार केल्याचे वृत्त आहे.
गुजरातमधील एजंट एका भारतीयाला बेकायदेशीरपणे अमेरिकेत नेण्यासाठी ७५ लाख ते १ कोटी रुपये आकारतात. पंजाबमध्ये, ही किंमत किमान ४५-५० लाख रुपये आहे. जयशंकर यांनी संसदेत सांगितले की बेकायदेशीर स्थलांतरितांना भारतात पाठवण्याची ही पहिलीच वेळ नव्हती. २००९ पासून १५,७५६ बेकायदेशीर घुसखोरी करणा-या भारतीयांना परत पाठवण्यात आले आहे.
२०२४ मध्ये, कागदपत्रांच्या अभावी अमेरिकेतून १५०० हून अधिक भारतीयांना हद्दपार करण्यात आले. परंतु ट्रम्प यांच्या पहिल्या अध्यक्षीय कार्यकाळात सर्वाधिक भारतीयांना परत पाठवण्यात आले होते. २०२० मध्ये २,३१३ आणि २०१९ मध्ये १,६१६ जणांना हद्दपार करण्यात आले.
