According to a Science Alert report, the human Y chromosome is shrinking and may even disappear completely in the future. If humans are unable to develop new genes to replace it and the decline of the Y chromosome continues, life on Earth may become extinct.
टोकियो I सायन्स अलर्टच्या अहवालानुसार, मानवी Y क्रोमोसोम कमी होत चालले आहेत आणि भविष्यात पूर्णपणे नाहीसे देखील होण्याची शक्यता आहे. मात्र, ते संपायला लाखो वर्षे लागतील. जर मनुष्य याला पर्याय म्हणून नवीन जनुक विकसित करू शकला नाही आणि Y क्रोमोसोमची घसरण चालूच राहिली तर पृथ्वीवरील जीवन नाहीसे होऊ शकते.
प्रोसिडिंग्स ऑफ द नॅशनल अ‍ॅकॅडमी ऑफ सायन्सेसमध्ये प्रकाशित झालेल्या एका शोधनिबंधामुळे नवीन जनुक विकसित होण्याची आशा निर्माण झाली आहे. हे एका पर्यायी शक्यतेकडे निर्देश करते, पण ते इतके सरळ नाही आणि त्याचा विकास देखील अनेक धोके घेऊन येईल. म्हणजे आता त्याचा पर्याय म्हणून विचार करणे फार घाईचे आहे.
पुरुषांमध्ये एक X आणि एक Y गुणसूत्र असते. X मध्ये सुमारे ९०० जीन्स आहेत, तर Y मध्ये सुमारे ५५ जीन्स असतात. भरपूर नॉन-कोडींग डीएनए आहेत. Y क्रोमोसोम एक महत्त्वपूर्ण जनुक असतो जो गर्भामध्ये पुरुषांच्या विकासास सुरुवात करतो. गर्भधारणेच्या १२ आठवड्यांनंतर हे मास्टर जनुक इतर जनुकांमध्ये बदलते. हे गर्भामध्ये पुरुष संप्रेरक तयार करते ज्यामुळे बाळाचा मुलगा म्हणून विकास होतो.
दोन गुणसूत्रांमधील विषमता वाढत असल्याचे संशोधनात पुढे आले आहे. गेल्या १६६ दशलक्ष वर्षांमध्ये Y गुणसूत्राने ९००-५५ सक्रिय जीन्स गमावले आहेत. हे दर दशलक्ष वर्षांमध्ये पाच जनुकांचे नुकसान आहे. या दराने शेवटची ५५ जीन्स संपण्यासाठी ११ दशलक्ष वर्ष लागतील. Y क्रोमोसोम कमी होत चालल्याने शास्त्रज्ञ चिंतेत आहेत.
Y क्रोमोसोमची घसरण पाहता वैज्ञानिकांनी अशा दोन उंदरांवर संशोधन केले. जे Y गुणसूत्र गमावल्यानंतरही जिवंत आहेत. पूर्व युरोप आणि जपानच्या उंदरांमध्ये, अशा प्रजाती आहेत ज्यांचे गुणसूत्र आणि ‘एसआरवाय’ पूर्णपणे नाहीसे झाले आहेत.
संशोधनात, कुरोइवाच्या टीमचे म्हणणे आहे की, मानवी Y क्रोमोसोम गायब झाल्यामुळे आपल्या भविष्याविषयी अनुमानांना चालना मिळाली आहे. हे देखील शक्य आहे की आजपासून ११ दशलक्ष वर्षांनंतर पृथ्वीवर एकही माणूस राहणार नाही. कारण पुनरुत्पादनासाठी शुक्राणूंची गरज असते. याचा अर्थ यासाठी पुरुषांचे असणे आवश्यक आहे. अन्यथा Y गुणसूत्राच्या समाप्तीमुळे मानवजात विलुप्त होण्याची शक्यता नाकारता येत नाही.
